pen

كلثومــيّـة

 

  ياحبيبي  كنت   فاكر  حبي  حيروّح  شبابه

  بعدما  شفت   اللي  راح  واللي  عذبني  غيابه

  آه  ياروحي انت   محرابي  وصلاتي  طول  حياتي

 

  ياواحشني  انت   قلبي  انت  محرابه  وسهامه

  واللي  لسه  شايله  رسمك  حتي  اسمك  كان  عذابه

  اه  ياشاغل  كل   حياتي  تبقي  بالي

 

 روح حياتي انت  غالي، تبقي  في   قلبي  وخيالي

 هو  حبي  مهما اخبي  مش  حتمحيه  الليالي

 اه  ياريت  تطفي   آهاتي  وشوق  حياتي

 

 يوم  لقانا شوف   يديا  لما  تشبك  بين  يديك

  عمرها كانت  بريئة   والبرائة  بنور  عينيك

 اه  ياريت  افضل   بقربك  طول  زماني

 

  ياحبيبي  عمري   ورده  والفراش  حوليها  حائم

  ليه  تخبي  مش   تقوللي  انه  حبك  بيّ  هائم

  ليه  تخبي،  ليه   تخبي،  ليه  ياغالي

 

  هي  روحي  مين   قايدها  لما  تتعبد  هواك

  واللي  عرفت  من   ساعتها  مش  حتقدر  تفتديك

  يعني  ايه  لو   مرة  ترحم  نور  شبابي

 

  ياحبيبي  انت   ليّه  شوف  طيور  الجنه  ديّـه

  ايه  ينوبها   غير  عذابي  وانت  غايب عن  عينييا

  كل  نشوة  وكل  غنوة  شايلهالي

 

  ياحبيبي  لحني   يصدح  والليالي دي  صداه

  يعني  مين  اللي   حيفرح  واللي حيجاوب  نداه

  غيرك  انت ،   غيرك  انت،  مين  فداه

 

  الجروح  الدامية   قلبي  مين  حيسقيها  الدواء

  لما  تعرف  مين   حبيبي  حتخاصمني  ياحبيبي

  اه  ياريت  لو   تطفي  ناري  ونار  لهيبي

 

  لو  بحور   الدنيا  تقدر  تطفي  ناري  ونار  هوايا

  كنت  حاشربهم   ياروحي  غصب  عني  وعن  منايا

  ياحبيبي  انت   لي  للنهاية  والنهاية

 

  لما شفتك  روحي   دابت  والطريق  قدامي  راح

  حتي  هي  الشمس   غابت  لما  نورح  انت  لاح

  ياواحشني  مرة  ارحم  صون  عذابي  وصون  هوايا

 

  عمري  دقاته   ثواني وحاهديهملك  برضايا

  ياحبيبي مرة  ارحم   قبل ماتجيبني  النهاية

  انت حبي  انت   قلبي  انت  املي  وكل  منايا

 

 قبل  ١٩٦٩

 

 عبد المجيد العركي ©